III ԴԱՍԱՐԱՆ
ԶԱՏԻԿ
Ապրիլի 7-ին դպրոցում անցկացվեց «Կարմիր Զատիկ» միջոցառումը: III դասարանցիները յուրովի էին պատրաստվել միջոցառմանը: Աճեցրել էին ցորեն, ձևավորել Զատիկն խորհրդանշող նախշած ձվերով, իրենց ձեռքով պատրաստված զատիկներով, դեղին ճուտիկներով, գույնզգույն ծաղիկներով:
ԲԱՑ ԴԱՍ "ՍՈՎՈՐԵՑԻ ԱՆԳԼԵՐԵՆԻ ԱՅԲՈՒԲԵՆԸ"
«Երբ առաջին անգամ գրեցի անունս մեսրոպյան տառերով, սիրտս լցվեց հպարտությամբ , ու մեծ երջանկություն ապրեցի: Այսօր էլ անունս արդեն կարողանում եմ գրել անգլերեն, ու նորից սիրտս լցվում է հպարտության զգացումով»,- խոստովանեց աշակերտներից մեկը: Այսօր արդեն բոլոր երրորդցիները կարող են իրենց անունները գրել անգլերեն. նրանք ավարտեցին տառերի ուսուցումը: Բաց դասը, որ կազմակերպել էր Նարինե Գաբրիելյանը, ցույց տվեց, որ բոլոր երեխաները սիրով են սովորում անգլերենը, հասկանում են, կարողանում են խոսել՝ նկարագրելով իրենց շրջապատը, ընտանիքը կամ սենյակը: Երեխաները ոչ միայն հասկանում են անգլերն, այլև մի փոքրիկ բեմադրություն էին պատրաստել մեզ համար՝ ներկայացնելով «Կարմիր գլխարկը» հեքիաթը: Լեզուն, իհարկե, անգլերենն էր, և ինչպես միշտ, հաղթեց բարին:
Նարինե Գաբրիելյանը նոր դասի ուսուցումն էլ հետաքրքիր էր կազմակերպել՝ նախօրոք պատրաստելով ցուցապաստառներ աշակետների համար: Մեկ անգամ ևս համոզվեցինք, որ օտար լեզվի ուսուցումը ամուր հիմքերի վրա է դրված:
Նարինե Գաբրիելյանը նոր դասի ուսուցումն էլ հետաքրքիր էր կազմակերպել՝ նախօրոք պատրաստելով ցուցապաստառներ աշակետների համար: Մեկ անգամ ևս համոզվեցինք, որ օտար լեզվի ուսուցումը ամուր հիմքերի վրա է դրված:
