ՆՈՐՈՒԹՅՈՒՆՆԵՐ

ԱՎԱՐՏՎԵՑ ԱՎԱՐՏԱԿԱՆ ՔՆՆՈՒԹՅՈՒՆՆԵՐԸ 2014-15

ՀՆՉԵՑ <<ՎԵՐՋԻՆ ԴԱՍԸ>> 2014-15 ԹԹ

Ամեն մի մոմ մի աղոթք է առ Աստված...

Սույն թվականի ապրիլի 22-ին Բերդի ավագ դպրոցում անցկացվեց մոմավառություն` Հայոց ցեղասպանության 100-րդ տարելիցին նվիրված: Մոմավառությանը նախորդել էին անմոռուկների պատրաստումը և դաս-միջոցառումները, որոնք արմատացրել են մեր մեջ այն համոզմունքը, որ մենք սերունդներն ենք մեր պապերի և նրանց կորցրածի պահանջատերը:

Հարյուր տարի առաջ Օսմանյան Թուրքիան իրականացրել է XX դարասկզբի առաջին ցեղասպանությունը, որի ճանաչման գործընթացը դեռևս շարունակվում է: «Ցեղասպանություն» տերմինն ընդունվել 1948 թ. դեկտեմբերի 9-ին : Այսօր երկու տասնյակից ավելի երկներ՝ Ուրուգվայը ( 1965թ.) , Կիպրոսը , Կանադան , Հունաստանը , Լիբանանը , Շվեյցարիան , Վատիկանը , Ֆրանսիան , Շվեդիան , Իտալիան և այլն, ընդունել են Հայոց ցեղասպանությունը դատապարտող բանաձևեր, օրենքներ: Այն դատապարտել են հասարակական- քաղաքական և պետական բազմաթիվ գործիչներ `Ա. Ֆրանսը , Ռ. Ոոլանը , Ֆ. Նանսենը, Մ.Գորկին, Վ.Բրյուսովը , Վ. Վիլսոն , Դ. Ջորջը , Ա. Բրիանը , Հ. Մորգենթաուն և շատ ուրշներ :

Թուրքական կառավարության այն անդամները , ովքեր իրականացրել են այս ոճիրը, հետագայում ստացել են արդար դատաստան հայ հայրենասեր վրիժառուների կողմից: Թալեաթն սպանվել է 1921թ. մարտի 15-ին Սողոմոն Թեհլերյանի կողմից , Սայիդ Հալիմը սպանվել է 1921թ. դեկտեմբերի 6-ին Արշավիր Շ-ի կողմից : Հերթը մերն է , մենք պետք է լինենք արժանի սերունդը մեր պապերի , եկել է ժամանակը համախմբվելու ...

Հեղինակ`ԱԽ համանախագահ Էմմա Քոսակյան

Շաբաթօրյակ Բերդի ավագ դպրոցում

18.04. 2015թ. Բերդի ավագ դպրոցում շաբաթօրյակ էր: Միջոցառումը նպատակ էր հետապնդում տալ աշակերտներին աշխատանքային դաստիարակություն, սովորեցնել խմբով աշխատելու ոչ միայն դասարանում, այլև դպրոցի պատերից դուրս: Ֆիզիկական աշխատանքը սովորեցնում է նաև լինել պատասխանատու, պատրաստակամ, հանդուրժող շրջապատի նկատմամբ: Աշակերտները եկել էին աշխատանքային գյուղգործիքներով, դույլերով և դասղեկների առաջնորդությամբ բարեկարգեցին դպրոցի ողջ տարածքը, աշխատեցին դպրոցի նորակառույց դաշտում: Դաշտը պահանջում է հատուկ բարեկարգում և խնամք: Աշակերտները նախ վարեցին հողը, ապա դույլերով տեղափոխեցին ավազը, որից հետո պիտի ցանվի հատուկ որակի խոտ: Չնայած հոգնությանը՝ սովորողներն աշխատում էին մեծ եռանդով ու համախմբված: Շաբաթօրյակն ավարտվեց օրվա երկրորդ կեսին. աշակերտները վաստակած հոգնությամբ գնացին տուն՝ համայնքին և հարազատ դպրոցին օգտակար լինելու կարևորության գիտակցումով:

ՍԵՐԸ ԳՈՅՈՒԹՅԱՆ ՀԱՆՃԱՐՆ Է ՄԻԱԿ...

Հրաշքը մեր կյանքում

Փետրվարի վեցին Բերդի ավագ դպրոցում մեկնարկեց ՙՀրաշքով լի կյանք՚ ծրագիրը, որը իրականացնում է ՀՀ-ում ԱՄՆ դեսպանատունը, ՙՓրոջեքթ Հարմոնի՚ կազմակերպությունը և ՀՀ ԿԳ նախարարությունը: Ծրագրի նպատակն է դաստիարակել մատաղ սերնդի մեջ հանդուրժողականության և բարության մթնոլորտ, կարողանալ լինել մարդ արտասովոր ունակությունների տեր երեխաների նկատմամբ և դպրոցը դարձնել հյուրընկալ ընդհանրապես սոցիալական բոլոր խմբերի համար: Ծրագիրը եռափուլ է. առաջին փուլն ընդգրկում են ամերիկացի գրող Ռ. Պալացիոյի Հրաշքը գրքի քննարկումները. գիրքն ինքնին շատ հետաքրքիր է. այն ներկայացնում է դեռահասների կյանքի մեկ տարին դպրոցում, որի ընթացքում գլխավոր հերոսը և հերոսները հաղթահարում են բազում հոգեբանական խնդիրներ և պայքարում սեփական կարծրատիպերի դեմ:

Քննարկումներն անցնում էին շատ հետաքրքիր, առավել հետաքրքիր էր, երբ աշակերտներն էին արտահայտում իրենց մտքերը՝ հիմնավորելով սեփական փորձով կամ դիտողականությամբ, լրացնելով փոքրիկ բեմադրություններով և ձևավորած ցուցապաստառներով: Վերջին քննարկումը փետրվարի 21-ին էր: Աշակերտները ամփոփեցին իրենց մտքերը՝ կրկնելով գրքի հերոսների խոսքերից. ՙԵթե կա հնարավորություն ընտրելու ճիշտը, թե բարին, ընտրիր բարին՚, ՙՄարդու գործերը իր հուշարձաններն են՚, ՙՄարդը չի կարող ապրել որպես կղզի՚:

Գրքի քննարկումները շատ բան սովորեցրին աշակերտներին՝ սեփական կարծիք ձևավորել այս կամ այն երևույթի նկատմաբ, կարողանալ ճիշտ և գրագետ հայերենով արտահայտել մտածածը, հարգել դիմացինի կարծքիը և ժամանակը, ձևավորել լսելու մշակույթ, աջակցել միմյանց և լինել հանդուրժող:

Ծրագրի հաջորդ փուլում՝ մարտին, ելնելով գրքի քննարկումներից, աշակերտները բացիկների վրա կգրեն իրենց դաս-խորհուրդները, թե ինչպես կարելի է դպրոցը հյուրընկալ դարձնել սոցիալական բոլոր խմբերի և կրթության առանձնահատուկ պայմանների ունեցող երեխաների համար: Բացիկները կուղարկվեն ՀՀ-ում ԱՄՆ դեսպանատուն. հանրապետության հիսուն ավագ դպրոցներից ուղարկված բացիկներից կընտրվեն միայն հիսունը՝ ըստ պահանջվող չափանիշների: Բացիկների հեղինակները կհրավիրվեն Ծաղկաձոր կամ Աղվերան՝ աշակերտական երկօրյա ֆորումի:

Ծրագրի մրցութային երրորդ փուլում կներկայացվեն շնորհաշատ աշակերտների ձեռքի աշխատանքները՝ նկարներ, ապլիկացիաներ, կոլաժներ, որոնք ներշնչված են Պալացիոյի ՙՀրաշքը՚ գրքից: Լավագույն աշխատանքները կխրախուսվեն, հեղինակները կպարգևատրվեն ՀՀ ԿԳՆ-ի և ԱՄՆ դեսպանի կողմից: Մեր աշակերտներին մաղթում ենք հաջողություններ`ակնկալելով միայն հաղթանակ:

ՄԵԿՆԱՐԿԵԼ Է ՕԼԻՄՊԻԱԴԱՆԵՐԻ ԴՊՐՈՑԱԿԱՆ ՓՈՒԼԸ

2014թ. դեկտեմբերի 1-20-ը Բերդի ավագ դպրոցում մեկնարկեց առարկայական օլիմպիադաների դպրոցական փուլը շուրջ 12 առարկաներից: Օլիմպիադայի նպատակն է ճանաչել օժտված երեխաներին, ստուգել նրանց ընդհանուր գիտելիքների մակարդակը, տրամաբանությունը և զարգացածության աստիճանը:

Մեթոդմիավորման նախագահները ծրագրին համապատասխան կազմել էին առաջադրանքների թեստերը: Օլիմպիադաներին մասնակցում էին ավագ դպրոցի և ութերորդ, իններորդ դասարանի աշակերտները: Սահմանված ժամանակահատվածի ընթացքւմ աշակերտները լրացրել են թեստը, ապա առարկայական մեթոդմիավորման կողմից հաստատված հանձնախումբը ստուգել և արձանագրել է գնահատականները քսանմիավորանոց սանդղակով: Օլիմպիադաները անցկացվել են համարյա ամեն օր՝ ժամը 1400 – 1600 : Հրապարակված միավորների արդյունքում ամենաբարձր միավորներ հավաքածներին հնարավորություն է տրվել մասնակցելու արդեն առարկայական օլիմպիադաների տարածքային փուլին, որը մեկնարկելու է փետրվարին:

Շնորհավորում ենք դպրոցական փուլի հաղթողներին և մաղթում հաջողություններ օլիմպիադաների հետագա փուլերում:

ԲՆԱԿԱՆ ԱՂԵՏՆԵՐԸ ԵՎ ՄԱՐԴԸ

Բերդի ավագ դպրոցում շարունակվում են ուսումնական պարապմունքները: Այս անգամ սեմինար-պարապմունքը կազմակերպվել էր ՙԼոռէ փրկարարական ջոկատ՚ ՀԿ-ի և ՙWorldvision՚ հասարակական կազմակերպության տեղական գրասենյակի կողմից, որը համագործակցում է ՀՀ կրթության և գիտության նախարարության և ՄԱԿ-ի հետ: Սեմինարը տեղի ունեցավ 2015թ. հունվարի 20-ին Բերդի ավագ դպրոցում: Մասնակցում էին Բերդի ավագ դպրոցի ուսուցիչները և Աշակերտական խորհուրդը: Թեման էր՝ ՙԱղետների ռիսկի նվազեցում և դպրոցի կարողությունների գնահատում՚:

ՄԱԿ-ը այս ՀԿ-ների հետ մշակել է համատեղ ծրագիր՝ աղետներից խուսափելու և մատաղ սերնդին նախապատրաստելու՝ դիմակայելու բնական աղետներին և պատահարներին: Ներկայանալուց հետո նախ առաջարկվեց լրացնել թեստ, որի նպատակն էր հարստացնել աղետներից և պատահարներից պաշտպանվելու կամ հետևանքների դեմ պայքարելու աշակերտների և ուսուցիչների գիտելիքները:

Խոսեցին նաև վտանգ կամ վտանգավոր երևույթ եզրույթի մասին, դրանց տեսակների, զարգացման արագության, վտանգի ծագման աղբյուրի բնույթի, բնածին և մարդածին վտանգների մասին և այլն: Մարդը հայտնվում է սպառնացող վտանգից խոցելիության պայմաններում, առկա են խոցելիության գործոնները: Նկարագրվեցին աղետների տեսակները:

Այնուհետև կատարվեց դպրոցի կարողությունների գնահատում: Տրվեց համապատասխան օգտակար գրականություն, որն ավելի հետաքրքիր ու մատչելի է ներկայացնում աղետներից պաշտպանվելու հմտություններն ու հնարները:

Հեղինակ` Լուսինե Թումանյան

Մարդ լինելն արվեստ է

2014թ. դեկտեմբերի 2-ին Բերդի ավագ դպրոցը կազմակերպել էր հաշմանդամության միամսյակին նվիրված միջոցառում, որը կրում էր «ՄԻԱՍԻՆ ՄԵՆՔ ԿԱՐՈՂ ԵՆՔ» խորագիրը: Միջոցառմանը ներկա էին «Հույսի կամուրջ» ՀԿ-ի աշխատակիցները, հյուրեր մյուս դպրոցներից: Նրանք մեծ հետաքրքրությամբ լսեցին աշակերտների խոսքը՝ ուղղված համայն աշխարհին:

ԳԻՏԵԼԻՔԻ ՈՒԺԸ

Բերդի ավագ դպրոցը միշտ շեշտը դրել է իր աշակերտների համակողմանի զարգացմանը նպաստող ծրագրերի վրա: Դրան էր ուղղված նաև 2014թ. նոյեմբերի 20-ին կազմակերպված ինտելեկտուալ խաղը ավագ դասարանների թիմերի միջև: Ինտելեկտուալ խաղի նպատակն էր զարգացնել աշակերտների տրամաբանությունը, նպատել սովորողների համակողմանի զարգացմանը, ձևավորել թիմային աշխատանք կատարելու հմտություններ՝ ՙբոլորը՝ մեկի և մեկը բոլորի համար՚ նշանաբանով, պատասխանատվության, հանդուրժողականության մթնոլորտի ձևավորում, ազատ և գրագետ հայերենով մտքերը ձևավորելու կարողությունների զարգացում:

Թիմերն արդեն ձևավորված էին: Թիմերի ավագները մեկնաբանեցին,թե ինչու են իրենց թիմերն անվանել ՙԷրեբունի՚ և ՙՍպարտա՚, ապա յուրաքանչյուր թիմին տրվեց ութական հարց ամենատարբեր բնագավառներից՝ մշակույթ, երաժշտություն, գիտություն, պատմություն, տրամաբանական խաղեր և այլն: Կայացավ նաև ավագների մրցույթ. տրվեց չորսական հարց, որոնց արդյունքները մրցատյանը պետք է գումարեր թիմի ընդհանուր միավորներին: Արդյունքներն ամփոփելուց հետո խաղի հաղթող ճանաչվեց ՙԷրեբունի՚ թիմը, որի անդամները պարգևատրվեցին պատվոգրերով,իսկ ավագների մրցույթում հաղթեց նույն թիմի ավագը՝ Նաիրի Սարգսյանը: Խրախուսիչ մրցանակ ստացավ ՙՍպարտա՚ թիմի ավագը:

Հանդիսատեսը գոհ էր, որովհետև ևս մի անգամ հաստատվեց այն ճշմարտությունը, որ մարդն ուժեղ է իր գիտելիքով:
Հեղինակ՝ Լ. Թումանյան

«ՄԵՂՈՒ». ՄԵԿՆԱՐԿԸ ՏՐՎԱԾ Է

Հոկտեմբերի 30-ին մեկնակեց դպրոցականների «Մեղու» համահայաստանյան մրցույթը հայոց լեզվից և գրականությունից, որին մասնակցում էին Բերդի ավագ դպրոցի սաները: Մրցույթի նպատակն էր հետաքրքրություն առաջացնել մայրենի լեզվի նկատմամբ և զարգացնել աշակերտների լեզվական մտածողությունն ու տրամաբանությունը: Դասարանները տարբերակված էին՝ երրորդից մինչև տասներկուերորդ: Ծրարը բացելուց հետո աշակերտներին բաժանվեցին «Մեղու» հանրապետական մրցույթի անվանական գրիչներ, օրացույցներ, ապա առաջադրանքների թերթիկը և ձևաթուղթը: Առաջադրանքերի լուծման համար սահմանված էր 75 րոպե, որից հետո պատասխանատուները հավաքեցին ձևաթղթերը, զետեղեցին համապատասխան ծրարի մեջ և ուղարկեցին կենտրոն: Արդյունքերի մասին կհայտարարվի ավելի ուշ: Նպատակն իրոք իրատեսական էր և իրագործելի: Սպասում ենք բարձր ցուցանիշների: Հեղինակ՝ Լ. Թումանյան

Առողջ հոգի`առողջ մարմնում

Կրթական ծրագրերի իրականացումն անհնար է առանց ֆիզիկական կուլտուրայի: Այն պետք է ձևավորվի աշակերտի մոտ որպես արժեքային համակարգ:

Բերդի ավագ դպրոցում այսօր`16.10.2014թ, կազմակերպված սպորտլանդիան ևս մի անգամ հավաստեց, թե որքան կարևոր է ֆիզիկական դաստիարակությունը երեխաների ֆիզիկական և հոգևոր աշխարհի վերջնական ձևավորման գործում: Պայքարի մեջ էին մտել ութերորդ դասարանի աշակերտները: Սպորտլանդիային մասնցակցում էին նաև ԿԱՊԿՈՒ աշակերտներ, որոնք հետ չէին մնում իրենց թիմակիցներից: Ուսուցիչը նախավարժանքից հետո սկսեց սպորտլանդիան: Աշակերտները կատարեցին առաջադրված բոլոր վարժությունները, ցույց տվեցին թիմային խաղ, որի արդյունքում ճանաչվեց հաղթող թիմը: Հաղթողներին երկրպագուները շնորհավորեցին բարձր ծափողջույններով:

ԴիջիԹեք Էքսպո 2014

2014 թ. հոկտեմբերի 3-5-ը Երևանում անց էր կացվում տասներորդ Dijitec Expo ցուցահանդեսը: Dijitec Expo 2014-ին մասնակցում էր նաև Բերդի ավագ դպրոցի թիմը`ափսեներ դասավորող ռոբոտով: Թիմի կազմի մեջ մտնում են Ալինա Հովակիմյանը, Արտյոմ Քոսակյանը, Հովհաննես Մելիքյանը և Դավիթ Թումանյանը, ղեկավար` Լեռնուհի Մելիքյան: Ցուցահանդեսային երեք օրերի ընթացքում ներկայացվում էին Հայաստանի ՏՏ ոլորտի վերջին տարվա ձեռքբերումները, Հայաստանի տարբեր դպրոցների աշակերտներ ներկայացնում էին իրենց ստեղծած ռոբոտները, հեքեթոն տաղավարում ձևավորված խմբերը խաղեր էին ստեղծում, ռոբոտների համար կազմակերպվում էին տարբեր մրցույթներ: Բերդի ավագ դպրոցի թիմը շատ լավ ներկայացավ և արժանացավ ջերմ շնորհավորանքների:
Հեղինակ` Ալինա Հովակիմյան XII դասարան

ԿԻՆՈԴԻՏՈՒՄ՝ «ԵԹԵ ԲՈԼՈՐԸ »

Այսօր՝ հոկտեմբերի 10-ին, Բերդի ավագ դպրոցի հյուրերն էին Հայ ազգային կինոյի ասոցիացիայի ներկայացուցիչները: Նրանց առաքելությունը հայրենասիրական բնույթ էր կրում՝ ծանոթացնել մատաղ սերնդին հայ կինոյի ավանդներին, հայ կինոմշակույթին, հայ կինոյի նվաճումներին, նաև կազմակերպել Միքայել Հովհաննիսյանի նկարահանած «Եթե բոլորը» ֆիլմի կինոդիտումը: Ֆիլմի ցուցադրությունը իրականացվում է «Կինոաշուն» ծրագրի շրջանակներում: Աշակերտներն, իրոք, հետաքրքրված էին նոր ֆիլմով և ուշադիր հետևում էին դեպքերի ընթացքին: Մինչ այդ կազմակերպիչները ներկայացրին աշակերտներին «Շառավիղ» թերթի հերթական համարներից մեկը՝ խոսելով հետաքրքիր հոդվածների ու բաժինների մասին:

Դպրոցի տնօրենությունը իր ջերմ շնորհակալությունը հայտնեց կազմակերպիչներին և ողջունեց նման առաքելության իրականացումը՝ ակնկալելով նոր հանդիպումներ:

ՀԱՆՃԱՐՆ ԱՆԳԱՄ ՈՒՍՈՒՑԻՉ Է ՈՒՆԵՑԵԼ...

Հոկտեմբերի 5-ին Բերդի ավագ դպրոցում նշվեց Ուսուցչի մասնագիտական օրը: Այդ օրն աշակերտներն իրենց ջերմ շնորհավորանքները հղեցին իրենց ուսուցիչներին՝ մաղթելով անսպառ եռանդ և առողջություն:

1994թ. ՅՈՒՆԵՍԿՕ-ն այս օրը՝հոկտեմբերի 5-ը, հռչակում է ուսուցչի և կրթական ոլորտում աշխատողների մասնագիտական օր: Եվ պատահական չէ, որ ՀՀ կառավարության կողմից այս օրը հռչակվել է ոչ թե մասնագիտական, այլ պետական տոն: Գիտակցում են պետական այրերը՝ ինչ ասել է ուսուցիչ:

Տեղին է մեջբերել հայտնի քաղաքական գործիչ ՈՒինսթոն Չերչիլի ոչ պակաս հայտնի խոսքերից մեկը. «Ցանկացած վարչապետ կերազեր ունենալ այնպիսի իշխանություն, ինչպիսին ունի ուսուցիչը»: Սխալված չեմ լինի, եթե ասեմ, որ մանկավարժությունը ազգային անվտանգության և ազգի ապագայի խնդիր է: Մանկավարժական դպրոցը սատար է մեր ազգային պետության և պետականության կերտմանը: ՈՒստի ուզում եմ կարևորել պետության համար անհրաժեշտ ու կենսական կարևոր նշանակություն ունեցող երկու երևույթներ՝ երկու բանակ՝ պաշպանության բանակ, մանկավարժական բանակ:

ՈՒսուցչի գործը նվիրում է ու անձնվեր աշխատանք: Թող փառաբանվի էությունն ու անունը քո, ուսուցի՛չ:

ԵՊՄՀ-ի դասախոսները՝ Բերդի ավագ դպրոցում

Ավագ դպրոցի սովորողի համար արդեն արդիական է դառնում մանսագիտական կողմնորոշման հարցը, քանի որ ավագ դասարաններում իրականացվում է հոսքային ուսուցում՝ նախապատրաստելով աշակերտին միասնական և ավարտական քննություններին: Բերդի ավագ դպրոցում առաջատար բուհերի ներկայացուցիչների հետ բազմիցս տեղի են ունենում հանդիպումներ, սեմինարներ , որոնք օգնում են աշակերտներին մասնագիտական կողմնորոշում ձեռք բերելու: 07.10.2014թ. Բերդի ավագ դպրոցի ավագ դասարանների սովորողները հերթական հանդիպումն ունեցան Երևանի պետական մանկավարժական համալսարանի հատուկ կրթության ֆակուլտետի դեկան Արմինե Ավագյանի հետ: Նա հանգամանալից ներկայացրեց Երևանի մանկավարժական համալսարանի գործունեությունը, առաքելությունը, դասախոսական և ուսանողական կազմը, բաժինները, ընդունելության կարգը և վճարովի-անվճար համակարգը: Ավարտական դասարանի աշակերտները նաև իրենց հարցերն ուղղեցին Արմինե Ավագյանին՝ փորձելով մանրամասն տեղեկություններ ստանալ իրենց հետաքրքրող ֆակուլտետի մասին: Վերջում աշակերտները շնորհակալություն հայտնեցին կազմակերպիչներին՝ ակնկալելով հանդիպումներ նաև մյուս բուհերի ներկայացուցիչների հետ:

ՊՈԵԶԻԱՅԻ ՀՄԱՅՔԸ

2014 թ. սեպտեմբերի 29-ին տեղի ունեցավ ասմունքի մանկապատանեկան փառատոնի հանրապետական փուլը, որին մասնակցում էին արդեն մարզային փուլում հաղթողները: Տավուշի մարզը ներկայացնում էր Բերդի ավագ դպրոցի ութերորդ դասարանի աշակերտուհի Օվսաննա Խոջոյանը: Նա կարդում էր Համո Սահյանի ստեղծագործություններից «Ի՞նչ Շամշադին...» և «Ախր ես ինչպե՞ս վեր կենամ գնամ...» բանաստեղծությունները: Օվսաննան արժանացավ պատվավոր ժյուրիի գովեստներին և խրախուսական ծափողջույններին: Հաճելի է իհարկե, երբ գնահատվում ես ասմունքի վարպետների կողմից: Շնորհավորում ենք Օվսաննային և մաղթում այսուհետ միայն հաղթանակներ:

ԵՍ ԱՊՐՈՒՄ ԵՄ ԱՆԿԱԽ ՀԱՅԱՍՏԱՆՈՒՄ

Բերդի ավագ դպրոցում 2014թ. սեպտեմբերի 19-ին կազմակերպվել էր բանավեճ Ես ապրում եմ անկախ Հայաստանում խորագրով: Բանավիճում էին ավագ դպրոցի սաները: Նախ վարողները աշակերտների հետ սահմանեցին բանավիճելու կարգապահական կանոնները, ապա բոլորին ասմունքով ողջունեցին միջին դպրոցի աշակերտները:

Բանավեճի ընթացքում հնչեցին բազում կարծիքներ անկախության մասին ընդհանրապես, սովորողները ներկայացրին դրվագներ Հայաստանի պատմությունից՝ հավաստելով Վ. Դավթյանի խոսքը, որ հայրենիքները միայն տարածքով ու քառակուսի կիլոմետրերով չեն չափվում: Չափվում են նաև խորությամբ ու բարձրությամբ: Հայրենիքին խորություն տվողը մշակույթն է, արվեստը, որոնք կարող են ընդլայնել հայրենիքի սահմանները: Աշակերտները մեջբերումներ արեցին նաև մեր պատմիչներից՝ կարևորելով նրանց տված դասերը, ինչպես Քաջերի սահմանը իրենց զենքն է.որքան կտրում է, այնքան տիրում է կամ Եթե զենքդ ծանրացել է, ուրեմն դու պիտի ուժեղանաս: Բանավեճն ավարտվեց այն ընդհանուր մտքով, որ ազգի և պետության հավերժության հավիտենականության գաղափարախոսության իրեղեն գործիքը անկախությունն է: Այն, ինչ կա, մեր ժողովրդի նվիրումի, զոհաբերության, աշխատասիրության և խիզախության արդյունքն է: Պետք է գնահատել այն ըստ արժանվույն:

ԱՎԱՐՏՎԵՑ ՊԵՏԱԿԱՆ ԱՎԱՐՏԱԿԱՆ ՔՆՆՈՒԹՅՈՒՆՆԵՐԸ (2013-2014)

ՍՈՒՐԲ ԶԱՏԻԿԻ ՏՈՆ

Սույն թվականի ապրիլի 21 –ին տեղի ունեցավ Զատիկի տոնին նվիրված ամենամյա մրցույթ-միջոցառումը, որը կազմակերպվել էր World Vision Armenia ՀԿ- ի և Տեր Արամ քահանա Միրզոյանի կողմից: Միջոցառմանը մասնակցում էին ինչպես Բերդ քաղաքի չորս դպրոցները, այնպես էլ հարակից գյուղերի դպրոցների աշխորհուրդները:
Միջոցառման չափանիշներին համապատասխան յուրաքանչյուր դպրոց պետք է ձևավորեր Զատիկի տոնին բնորոշ անկյուն (սեղան): Յուրաքանչյուր դպրոցից ընտրվեց մեկ մանկավարժ և ընդգրկվեց մրցատյանի կազմում: Բերդի ավագ դպրոցը ներկայացնում էին V, VI, VII, VIII դասարանների սաները: Յուրաքանչյուր դպրոց ներկայացնում էր տոնի խորհուրդը, մեկնաբանում սեղաններին դրված խորհրդանշանների իմաստը, պատասխանում մրցատյանի կողմից առաջադրված, տոնին վերաբերող հարցերին, հանդես գալիս երգով և ասմունքով: Պատվավոր առաջին հորիզոնականը գրավեցին Բերդի ավագ և Տավուշի միջնակարգ դպրոցները: Մեր տաղանդաշատ սաները պարգևատրվեցին խրախուսական հուշանվերներով: Որպես խրախույս՝ նրանք կմեկնեն Էջմիածին՝ շրջագայության:
Հեղինակ` Ա. Մեժլումյան

Հաճելի անակնկալ մեր սաներին

Մարտի 23-ը Հայաստանի hանրապետական կուսակցության կանանց խորհրդի նախագահ Հեղինե Նաղդալյանի նախաձեռնությամբ բոլոր մարզերի դպրոցների, մասնավորապես Տավուշի մարզի Բերդ քաղաքի ավագ դպրոցի մոտ 18 աշակերտների համար լուրջ զգացողությունների օր դարձավ. նրանք մայրաքաղաքում դիտեցին Ա. Տիգրանյանի «Անուշ» օպերան: Նպատակը մեկն էր` ազգային արժեքների գնահատումը: Երեխաների մի մասը մինչ այդ հնարավորություն չէր ունեցել մասնակցելու նմանատիպ միջոցառուման, և սա շատ լավ հնարավորություն էր նրանց համար: Նախապես աշակերտներին ողջունեց Հ. Նաղդալյանը, ներկայացրեց Ա. Տիգրանյանի արվեստը: Այն ամենը, ինչ երեխաները լսել և պատկերացրել էին Հ. Թումանյանի «Անուշ» պոեմը կարդալիս, դարձել էր կենդանի զգացողություն: Երբ բեմադրությունն ավարտվեց, դահլիճում չէին դադարում ծափահարությունները: Ամեն ինչ շատ դուր եկավ մեզ, ամեն ինչ հիասքանչ էր...
Գյոզալյան Անի

Գիտակների մրցույթ դպրոցում

  Դպրոցական կյանքը ավելի աշխույժ ու հետաքրքիր դարձնելու համար պարբերաբար կազմակերպվում են ինտելեկտուալ, սպորտային մրցույթներ, միջոցառումներ, որոնք հնարավորություն են տալիս ճանաչել երեխային, նրա կարողությունները, հմտությունները և դրանց կիրառումը ամենատարբեր իրավիճակներում: Դե իսկ թիմային աշխատանքը շատ բան է սովորեցնում մարդուն` պատասխանատվություն, հարգանք, համբերատարություն, զսպվածություն, աշխատելու և իմացածը ճիշտ, գրագետ խոսքով արտահայտելու մշակույթ:

            Մարտի 5 –ին Բերդի ավագ դպրոցում ինտելեկտուալ մրցույթ էր, որին հավաքական թիմերով մասնակցում էին ավագ դպրոցի սաները: Հարցերն ընտրված էին ամենատարբեր ոլորտներից` սկսած համաշխարհային անցուդարձից մինչև հայոց լեզու և պատմություն: Յուրաքանչյուր թիմ ընտրում էր այբուբենի մեկ տառ, ապա էլեկտրոնային գրատախտակին հայտնվում էր տառի տակ թաքնված հարցը: Մեկ րոպե քննարկումից հետո տրվում էր պատասխանը, որը գնահատում էր նախօրոք ընտրված մրցատյանը (ժյուրին): 10 հարցի պատասխանելուց հետո իրենց ուժերը չափեցին նաև ավագները, ովքեր հնչած հնգական հարցին անմիջապես պետք է պատասխանեին: Մրցույթն ընդմիջվում էր հետաքրքիր նյութերի ընթերցումով . մրցույթի կազմակերպման և նյութերի ընտրության հարցում իր ակտիվ մասնակցություն է ունեցել ԱԽ –ը` հանձինս Անի Զաքինյանի և Էմմա Քոսակյանի:

            Արդյունքներն ամփոփելուց հետո հաղթող ավագը, թիմը, լավագույն խաղացողը և ընդհանրապես բոլոր մասնակիցները պարգևատրվեցին նվերներով ու պատվոգրերով:

            Դիտարժան խաղ էր: Աշակերտները ցանկություն հայտնեցին առաջիկա ամսվա մեջ ևս մեկ անգամ ուժերը փորձելու:

ՌՈԲՈՏԱՇԻՆՈՒԹՅՈՒՆԸ ՍԿՍՎՈՒՄ Է ԴՊՐՈՑԻՑ

Ես` Ալինա Հովակիմյանս, 2013 թվականի սեպտեմբերից հաճախելով դպրոցում գործող ռոբոտաշինության խմբակ և ծանոթանալով <<Աղուես>> ծրագրին, ստեղծել եմ խաղ: Ապա մասնակցեով << Նաիրի>> ՏՏ կոնսորցիումի <<Աղուես>> ծրագրով ստեղծված կրթական անիմացիաների և խաղերի մրցույթին` արժանացել եմ հավաստագրի և մրցանակի` 4GB Flash:

Մրցույթին մասնակցել են աշակերտներ ամբողջ հանրապետությունից:

Խաղը կառուցված է հարց-պատասխան սկզբունքով և նվիրված է հայոց պատմությանը. այն ուսուցողական է:

Հետագայում կփորձեմ ստեղծել նոր ծրագրեր և մասնակցել նաև այլ մրցույթների:

Հեղինակ` Ալինա Հովակիմյան XI դասարան

XII դասրանի ավարտական քննությունները

IX ԴԱՍԱՐԱՆԻ ԱՎԱՐՏԱԿԱՆ ՔՆՆՈՒԹՅՈՒՆՆԵՐԸ

IV դասարանի գինելիքների ստուգում 2013

Բերդի ավագ դպրոցում վերջին անգամ տեղի ունեցավ գիտելիքների ամենամյա ստուգումը տարրական օղակում, որը անց է կացվում հունիսին: Չորրորդ դասարանի աշակերտները քննություններ են հանձնում մաթեմատիկայից և մայրենիից: Առարկայական թեստերը կազմում է դպրոցի համապատասխան մեթոդմիավորման նախագահը, որոնք հրապարակվում են անմիջապես քննությունը սկսվելու պահին: Թեստերը ներառում են խնդիրներ և վարժություններ մաթեմատիկայից, լեզվական և ստեղծագործական առաջադրանքներ հայերենից, որոնց լուծմանը տրվում է 90ր.: Աշակերտները լավ էին պատրաստվել քննությանը: Աշակերտներն ստացան բարձր գնահատականներ և փոխդրվեցին հինգերերդ դասարան:

ՎԵՐՋԻՆ ԶԱՆԳ

Մայիսի 24-ին ՏԱվուշի մարզի Բերդ քաղաքի մշակույթի տանը շարունակությունը այստեղ

ՄԻՋՈՑԱՌՈՒՄ` ՆՎԻՐՎԱԾ ՖՐԱՆԿՈՖՈՆԻԱՅԻ ՄԻԱՄՍՅԱԿԻՆ

Ապրիլի 19-ին Բերդի ավագ դպրոցը արձագանքեց Ֆրանկոֆոնիայի միջազգային օրվան: Հինգերորդցիները հանդես եկան ֆրանսիական հեքիաթի հետաքրքիր բեմականացումով: ՈՒսուցչուհի Գ. Թումանյանը աշակերտներին հիշեցրեց ֆրանսիական մշակույթը ներկայացնող նշանավոր մարդկանց անուններ, խոսեց հայ-ֆրանսիական ամուր բարեկամության և ֆրանկոֆոն համարվող երկրների մասին:

Դպրոցի գրադարանում ձևավորվեց փոքրիկ անկյուն` նվիրված Ֆրանկոֆոնյայի միջազգային օրվան:

ՇՆՈՐՀԱՎՈՐ ՏՈՆԴ, ՈՒՍՈՒՑԻ'Չ

ՀԱՋՈՒՂՈՒԹՅՈՒՆՆԵՐԻ ՇՂԹԱՅՈՒՄ ԵՎՍ ՄԻ ՕՂԱԿ

2012 թ. նոյեմբերի 6 –ին Տավուշի մարզի Բերդ համայնքում կայացավ շախմատի մրցույթ: Շախմատի հանրապետական համադպրոցական 7-րդ օլիմպիադայի 2-րդ փուլի հաղթող թիմին Հայկական Բարեգործական Ընդհանուր Միության կողմից տրվել է գավաթ: Թիմի ղեկավարն է Պետրոս Յամուկյանը, մասնակիցներն են Արթուր և Արմեն Դանիելյանները(XI դ.), Ալիկ Դավթյանը(X դ.) և Լուսինե Ներսիսյանը(IV դ.):

ԲԱՑ ԴԱՍ«ԵԿԵՔ ԽՈՍԵՆՔ ԱՆԳԼԵՐԵՆ»

    Մարտի   5-ին Բերդի ավագ դպրոցի IV դասարանում անցկացվեց «Եկենք խոսենք անգլերեն » թեմայով բաց դաս: Դասը վարում էր անգլերենի ուսուցչուհի   Լուսինե Օհանյանը:

        Աշակերտներից չորսը տարվա եղանակներն էին: Նրանք ընտրվել էին փակ քարտերի միջոցով: Նույն կերպ ընտրվել էին ամիսները և շաբաթվա օրերը: Ընտրության այդ ձևը շատ էր   ոգևորել աշակերտներին: Բաց դասին աշակերտները ներկայացել էին եղանակները բնութագրող   նկարներով:

           Բաց դասը գարնան մուտքով սկսվեց ,որին հաջորդեցին գարնան ամիսների նկարագրությունները: Նույն հաջորդականությամբ ընթացան ամառը, աշունը և ձմեռը` իրենց ամիսների նկարագրությամբ: Դասակարգման մեթոդով կազմակերպվեց եղանակները բնութագրող խաղ: Հարցերի միջոցով ստուգվեց աշակերտների բանավոր խոսքը: Այնուհետև աշակերտները, տուփից վերցնելով քարտերը կռահում էին հանելուկներ, որոնք վերաբերում էին թեմային: ՈՒշադրություն դարձվեց նաև բառային աշխատանքի ստուգմանը:

      Բաց դասը ծառայեց իր նպատակին. հարստացավ աշակերտների բառապաշարը, զարգացան նրանց ստեղծագործական միտքը, կապակցված խոսք կազմելու հմտությունները:

ԱՊԱՀՈՎ ՀԱՄԱՑԱՆՑ.
բաց դաս Բերդի ավագ դպրոցում

ԴԱՍ-ՄԻՋՈՑԱՌՈՒՄ<<ՋՈՒՐ>>

ԲԱՑ ԴԱՍ ԱՆԳԼԵՐԵՆԻՑ « 11 NEWS »

Դասի առաջին մասը նվիրված էր վերջին նորություններին: Օգտագոևծելով էլեկտրոնային գրատախտակը աշակերտները ներկայացրին նյութը` Վենեսուելայի վարչապետի ընտրությունը, երեք տարեկան երեխայի կյանքի փրկությունը շան շնորհիվ, Ֆլորիդայի ափին շնաձկների ավելացումը, Հայաստանը` աշխարհի առաջին գինեգործության վայր:

Երկրորդ մասը նվիրված էր երազներին` ինչու են մարդիկ երազներ տեսնում, ինչ երազներ է տեսնում երեխան, երազների քանակը մեկ գիշերվա ընթացքում: Ներկայացվեց տեսարժան նյութ բոլոր մանրամասներով:

Այնուհետև 5 րոպեանոց ընդմիջում էր, որի ժամանակ ներկայացվեց եղանակի տեսությունը Հայաստանում և աշխարհում: Երրոևդ և վերջին մասը քննարկում էր նվիրված հեռոսստատեսության լավ և վատ կողմերին: Աշակերտները ներկայացրեցին իրենց կարծիքը այդ թեմայի շուրջ:

Դասը կազմակերպել էին անգլերենի ուսուցչուհի` Աննա Ռաֆայելյանը և մանկավարժական պրակտիկա անցկացնող` Արփինե Մելիքյանը: Բաց դասը շատ հետաքրիր անցկացրին 11-րդ դասարանցիները 2013թ. մարտի 15-ին:

ԱՆՀԵԹԵԹ ՄԱՐԴԱՍՊԱՆՈՒԹՅՈՒՆ

Մարտի 7-ին Բերդի ավագ դպրոցում տեղի ունեցավ իրական փաստերի հիման վրա հիմնված դատավարություն ուսուցչուհի Մարգարիտա Խաչատրյանի կազմակերպմամբ: Դատավարության թեման հարակից գյուղում 1994 թ. հունվարի 6-ին տեղի ունեցած մարդասպանության դեպքն էր, պատճառը` երեք տուփ ծխախոտը: Արդյունքում դաժանաբար սպանվում է մի երիտասարդ: Մեղադրյալը դատապարտվում է 15 տարվա ազատազրկման: Պատժի մի մասը նա կրում է մինչև բուն դատը: Պատասխանատվության է ենթարկվում նաև վկան` սուտ վկայությու տալու համար: Դատավարությանն օժանդակեց իրավաբան, փաստաբանական պալատի անդամ Գայանե Զաքարյանը: Դատը վարում էին 11-րդ դասարանի աշակերտները` դատավոր Զինա Օհանյանը, դատապաշտպան Նելլի Ծատուրյանը, մեղադրող` Տաթև Մելքումյանը, անմիջական մասնակիցներ` մեղադրյալ Արամայիս Մարտիրոսյանը, վկաներ` Մարգարիտա Բաբյանը, Նելլի Շառյանը, Լիլյա Արզումանյանը, Պողոս Շառյանը, Արթուր Զաքինյանը, Արմեն և Արթուր Դանիելյանները, Հրանտ Մելիքյանը, Հրաչ Հակոբյանը:

Դասն ուներ իմացական, ուսուցողական նպատակ թե’ աշակերտների, թե’ մասնակիցների համար:
Հեղինակ` Լիլիա Արզումանյան(XI դաս.)

ԳՐԵՐԻ ԳՅՈՒՏԻՑ ՄԻՆՉԵՎ ԳՐԱՏՊՈՒԹՅՈՒՆ

Փետրվարի 21-ին Բերդի ավագ դպրոցում Ջ. Մանուչարյանի և Լ. Փալանդուզյանի նախաձեռնությամբ տեղի ունոցավ «Գրերի գյուտից մինչև գրատպություն » գրական-երաժշտական ցերեկույթը` նվիրված սբ Մ. Մաշտոցի ծննդյան 1650 և հայ գրատպուտյան 500-ամյակին:

Միջոցառումն ընթացավ բարձր մակարդակով և մեծ շուքով: Համարների մեծ մասը երաժշտական էր: Լսվեցին գեղեցիկ ասմունքներ և աղոթք առ Աստված: Կային նաև պոքրիկ բեմականացումներ: Հանդիսատեսը մտովի տեղափոխվեց 5-րդ դար և տեսավ 3 իմաստուն այրերին` սբ Մ. Մաշտոցին, սբ Սահակ Պարթև կաթողիկոսին և սբ Վռամշապուհ թագավորին: Լսվեց նրանց հոգու խոսքը, որն էլ արտահայտեց այն մեծ անհանգստությունը, որ ունոցել են մեր երկրի իմաստուն այրերը…

Միջոցառումը տոնախմբություն էր` նվիրված գրերի և գրատպության գյուտերին:
Հեղինակ` Գայանե Թումանյան

ՇՆՈՐՀԱՎՈՐ ՏՈ’ՆԴ, ՀԱՅՈՑ ԲԱՆԱԿ

  Տոնական տրամադրություն էր տիրում Բերդի Մարուսյա Սաղումյանի անվան ավագ դպրոցում: Հունվարի 26-ին կայացած գրական-երաժշտական կոմպոզիցիան նվիրված էր հայոց բանակի կազմավորման 21-րդ տարեդարձին:

Ցերեկույթն սկսվեց «Հայրենասեր թոռը» պիեսի բեմադրությամբ: Սցենարի հեղինակը ջոկատավար Հասմիկ Վազգենի Անանյանն էր: Այնքան սեր ու գորով, հայրենաշունչ տողեր կար այդ մի փոքր բեմականացման մեջ, որ հանդիսատեսը համակ ուշադրությամբ հետևում էր երեխաների խոսքերին:

Հայրենասիրական երգերն ու հայկական խրոխտ պարերը նոր շունչ ու ոգի պարգևեցին հանդիսատես աշակերտներին, ուսուցիչներին և հյուրերին: Ցերեկույթի վերջում ելույթ ունեցող բոլոր աշակերտները միասին երդվեց.
Իմ հայ ժողովուրդ, իմ լույս հայրենիի,

Քիչ է իմ երգը քո մեծ համերգում,

Բայց ես քեզանով եմ միայն երջանիկ

Քո ճառագայթն է իմ հոգու ճեղքում:

ՈՒ եթե մի օր ճառագայթն այդ ջինջ

Քո հին թշնամին մարել ցանկանա,

Երդվում եմ.

Կռվիդ սուրբ զորակոչին

Առաջին ժամի զինվորը դառնալ:
Միջոցառման նկարները տեսեք Պատկերասրահի -- Ֆոտոսրահ բաժնում

ՀԵՂԻՆԱԿ` ԼՈՒՍՅԱ փԱԼԱՆԴՈՒԶՅԱՆ

ՍԻՐՈՒՄ ԵՆՔ ՀԱՂԹԵԼ

Արշակ Խաչատրյան

Հերթական հաղթանակը տոնվեց Բերդի ավագ դպրոցում: Ավագ դպրոցի սան Արշակ Խաչատրյանը Իջևանում կազմակերպված պատանիների ազատ ոճի ըմբշամարտի հանրապետական մրցույթում գրավեց երկրորդ տեղը 76 կգ քաշային կարգում: Եվս երկու սաներ գրավել են երրորդ տեղեր: Ինչպես նշում են մրցանակակիրները, հաղթանակ տանող ճանապարհը միշտ էլ դժվար է, բայց հաճելի է վայելել հաղթանակի բերկրանքը: Շնորհավորում ենք բոլորին` ցանկանալով կրկնապատկել իրենց հաղթանակների քանակը և հասնել առավելագույնին:

ՀՀ-ՈՒՄ ՀՈՒՆԻՍԻ 1-ԻՆ ՄԵԿՆԱՐԿԵԼ ԵՆ ՊԵՏԱԿԱՆ ԱՎԱՐՏԱԿԱՆ և ՄԻԱՍՆԱԿԱՆ ՔՆՆՈՒԹՅՈՒՆՆԵՐԸ

ՄԱՅՐՈՒԹՅԱՆ ՈՒ ԳԵՂԵՑԿՈՒԹՅԱՆ ՏՈՆ

Ավագ դպրոցի 8-րդ դասարանցիները կազմակերպեցին գրական-երաժշտական ցերեկույթ՝ նվիրված կանանց միամսյակին:Բոլորը գարնանային ուրախ տրամադրություն ունեին և այդ ուրախ տրամադությունը փոխանցեցին ուսուցիչներին:Հնչեցին գեղեցիկ բանաստեղծություններ և երգեր:Աղջիկները ցուցադրեցին իրենց հեզաճկուն պարը և բոլոր ուսուցիչներին մաղթեցին լինել գեղեցիկ ու կատարյալ:

ԿԵՆՍԱԲԱՆՈՒԹՅԱՆ ԵՎ ՔԻՄԻԱՅԻ ՕԼԻՄՊԻԱԴԱ

Բերդի ավագ դպրոցից կենսաբանության և քիմիայի օլիմպիադաներին մի խումբ աշակերտներ մասնակցել են դպրոցական և շրջանային փուլերին: Մասնակիցներից Արփինե Մելիքյանը ( XII դաս.), Լիլիթ Հովակիմյանը (XI դաս.), Արթուր Գալստյանը (X դաս.) անցել են մարզային փուլը, որը տեղի է ունեցել մարտի 7-ին: Այնտեղ էլ հասնելով հաջողությունների` պետք է մասնակցեն նաև հանրապետական փուլին` ապրիլի 4-7: Ա. Մելիքյանը և Ա. Գալստյանը մասնակցելու են նաև քիմիայի հանրապետական փուլին` ապրիլի1-4: Հույս ունենք, որ այնտեղ էլ կհասնեն լավագույն հաջողությունների:

ԿԵՆԳՈՒՐՈՒ 2012

Մարտի 15-ին Բերդի ավագ դպրոցում տեղի է ունեցել Կենգուրու միջազգային մրցույթը, որին մասնարցում էին նաև Բերդի վարժարանը և Բերդի հմ 4 դպրոցը:
Մրցույթի պատասխանատուն էր Դոնարա Քոսակյանը, իսկ մրցույթի անցկացման կարգին ծանոթացրեց Հասմիկ Ադամյանը: Տևողությունը 75 ր էր, մասնակցում էին 3-11 դասարանցիները: Սրտատրոփ սպասում ենք արդյունքներին:

ԻՆՏԵԼԵԿՏՈՒԱԼ ԽԱՂ ՄՐՑՈՒՅԹ X-ՐԴ ԴԱՍԱՐԱՆՆԵՐԻ ՄԻՋԵՎ

Իրավամբ, գիտելիքների անսպառ աղբյուր և մտքի մարզարան է Բերդի ավագ դպրոցը, որն իր հյուրընկալ դռներն է միշտ բացում բոլորի առաջ: Այստեղ հաճախ են կազմակերպվում ամենատարբեր միջոցառումներ, զեկուցումներ, մրցույթներ, հանդիպումներ, որոնց նպատակն է համակողմանիորեն զարգացնել նոր ձևավորող մարդուն, դաստիարակել գեղեցիկը նկատելու և արժևորելու զգացում, մրցութային ոգի:

Արդեն օրինաչափություն են դարձել նաև ինտելեկտուալ մրցույթները, որոնք պարբերաբար անցկացվում են տարբեր դասարանների միջև և տարբեր առարկաներից: Ավագ դպրոցում գործող «Խոսքի վթարներ»-ի ակումբը , հանձին նախագահ Արթուր Գրիգորյանի, կազմակերպել էր ինտելեկտուալ մրցույթ տասներորդ դասարանի աշակերտների միջև (հումանիտար, բնագիտական և ֆիզմաթ հոսքեր), որը տեղի ունեցավ նոյեմբերի 23-ին: Յուրաքանչյուր հոսք ձևավորել էր իր թիմը՝ «Տիր», «9–րդ հրաշալիք», «Էվրիկա» ՝ կազմված հնգական մասնակիցներից: Ակումբի նախագահը՝ Արթուրը, նախօրոք պատրաստել էր հարցեր, որոնք վերաբերում էին բառերի սխալ կամ անհարկի գործածությանը, նախադասության անդամների սխալ շարադասությանը, հոլովների ու կապերի ճիշտ կապակցմանը:

Մրցույթն սկսելիս իր ողջույնի խոսքով մասնակիցներին ու թիմերին հաջողություն մաղթեց Բերդի ավագ դպրոցի աշակերտական խորհրդարանի նախագահ Ժորա Երկնափեշյանը:

Մրցատյանը ձևավորվել էր դպրոցի ուսուցիչներից, նախագահում էր ուսմասվար Ա. Շառյանը:

Ընդմիջումներին իրենց անզուգական ասմունքով և երգերով բոլորին ողջունեցին հումանիտար հոսքի աշակերտուհիներ Նոնա Ղազարյանը և Տաթև Մելքումյանը, որն արևմտահայ պոեզիայի ասմունքի մարզային մրցույթում գրավեց առաջին տեղը:

Չնայած մրցույթն ավարտվեց անհավասար հաշվով, բայց հավատացած եմ, հաղթեց միասնականությունը՝ վերացնելու խոսքի վթարները և հայերեն ճիշտ ու մաքուր խոսելու: Աշակերտներն իրենց համար նոր բացահայտումներ արեցին, կարողացան անթերի լինել իրենց պատասխանների ձևակերպումների մեջ՝ ունենալով պատասխանատվության զգացում և ձևավորելով հանդուրժողականության և համախմբվածության մթնոլորտ:

«Մեր ուժը մեր գիտելիքն է» նշանաբանը, իրոք, իմաստավորվեց և արժևորվեց՝ ծառայելով անհատի ձևավորման ակադեմիական ու սոցիալական նպատակներին:

IX դասարանների ավարտական քննություններ

Հունիս ամիսը ուսումնական արդյունքների ամփոփման ամիս է դպրոցում: Այս տարին էլ բացառություն չէր, և հունիսի 1-ից մեկնարկեցին հիմնական դպրոցի իններորդ դասարանի քննությունները: Առաջին քննությունը ֆիզկուլտուրայից էր 26.05.2011թ., որը իններորդցիները փայլուն հանձնեցին: Հունիսի 3-ին կենսաբանություն, աշխարագրություն առարկայի քննությունն էր, որին մասնակցում էին 27 աշակերտներ:

Բոլորը մի քիչ հուզված էին, որովհետև առաջին լուրջ փորձությունն էր իններորդցիների համար: Բայց շուտով այդ հուզմունքն էլ հաղթահարվեց, քանի որ թեստերին պատասխանելու համար տրված էր սահմանափակ ժամանակ 120ր.: Յուրաքանչյուրը գիտակցում էր, որ գիտելիքների ստուգումը լուրջ պատրաստվածություն է պահանջում, ուստի աշակերտները հանգամանալից պատրաստվել էին ու սկսեցին աշխատել:

Բարի երթ ձեզ, սիրելի իններորդցիներ:

IV դասարանների ավարտական քննություններ

Բերդի ավագ դպրոցում առանձնահատուկ իրադարձություն էր գիտելիքների ամենամյա ստուգումը տարրական օղակում, որը պարտադիր անց է կացվում հունիսին: Չորրորդ դասարանի աշակերտները քննություններ են հանձնում մաթեմատիկայից և մայրենիից: Առարկայական թեստերը կազմում է դպրոցի համապատասխան մեթոդմիավորման նախագահը, որոնք հրապարակվում են անմիջապես քննությունը սկսվելու պահին: Թեստերը ներառում են խնդիրներ և վարժություններ մաթեմատիկայից, լեզվական և ստեղծագործական առաջադրանքներ հայերենից, որոնց լուծմանը տրվում է 90ր.: Երևում է, որ աշակերտները լավ էին նախապատրաստված: Ամեն ինչ բարեհաջող անցավ, աշակերտներն ստացան բարձր գնահատականներ և փոխդրվեցին հինգերերդ դասարան:

Ինտերնետային օր

8-րդ դասարանում այսօր ինտերնետային օր էր: Բացատրվեցին ինտերնետի հետ աշխատանքի ընթացքում անվտանգության և էթիկայի հիմնական կանոնները, համացանցի լավ ու վատ կողմերը: Մի համակարգչից մյուսին ինֆորմացիա փոխանցելը իրականացնում էինք մագնիսական սկավառակների միջոցով: Սակայն սկավառակը հարմար միջոց չէր, քանի որ այն հնարավորություն էր տալիս միայն սահմանափակ ծավալով ինֆորմացիա փոխանցելու: Այն ժամանակի առումով ևս ոչ արդյունավետ միջոց էր հանդիսանում:
Համակարգչային ցանցի ստեղծումը հնարավորություն տվեց հաշված րոպեների և նույնիսկ վայրկյանների ընթացքում ինֆորմացիա փոխանցել հազարավոր կիլոմետրեր հեռու գտնվող համակարգիչներին: Աշակերտն իմացավ, որ ինտերնետը միայն ինֆորմացիայի փոխանցման միջոց չէ, այլ նաև բազմատեսակ ինֆորմացիայի կուտակման ու պահպանման հզոր պահեստարան. այստեղ ցանկացած մասնագետ կարող է իր բնագավառին առնչվող հարուստ ինֆորմացիա գտնել: Հաղորդակցվողների համակարգիչներ հաճախ ապահովված են ձայնային քարտով, միկրոֆոններով և լրացուցիչ այլ սարքերով, որոնք հնարավորություն են տալիս ամենատարբեր հաղորդագրություններ փոխանցելու:Երեխաների հետ ծանոթացանք որոնման համակագերին և մի քանի այլ ծրագրերի, նրանց ոսկե կանոններին , լուծեցինք թեստեր և փորձեցինք մի փոքր խաղալ: