ԱՆԱԿՆԿԱԼ

2012 թվական: Հունվարի 28: VI դասարանում թևածում է ուրախ տրամադրությունը. աշակերտական խորհրդարանը պետք է ամփոփի պատի թերթերի մրցույթի արդյունքները: Պատին փակցված են բոլոր դասարանների աշխանանքները. դրանք փառաբանում են հայկական բանակի սխրանքները: VI  դասարանի թերթում միայն լուսանկարներ են` եզրագծված կարմիր-կապույտ- ծիրանագույնով: Լուսանկարներում դասարանի երեխաներն են, որ հագել են իրենց հայրիկների զինվորական համազգեստները: Այնքան մեծ խորհուրդ կա ապագա զինվորների հայացքներում` անմեղություն և վճռականություն, ժպիտ ու թախիծ: Թերթում ոչ մի բառ չկա. դրա փոխարեն խոսում են կանաչի բոլոր երանգները, դրոշի գույները ու վերնագիրը` « ԵՍ ՄԻ ԾԻԼՆ ԵՄ ՔՈ ՀՈՂԻ»:

Երբ պարզվեց, որ պատի թերթը ճանաչվել է լավագույներից մեկը, անգամ դասարանի աղջիկներից ոմանք չթաքցրին իրենց ցանկությունը.

_ Որոշել ենք զինվոր դառնալ:

---